بكى بكاني!رقن عزامي وينما شاكاني!الغالي على وقته!بكى بحراره!من شدة الوقت وقسوته وقهاره!ورميت عالبكا كنيب تطفى ناره!زادت وزاد الدمع نين عماني!
بلا توديعة!! سافر عزيز خلاني بلا توديعة رخيص باعني مسهل عليه البيعة؟ما ودعني أستخسر يداويني بعد لوعني كسر خاطري وسط الكنين وجعني قليل أصل متعود علي التلييعة خان عشرتي هذا أللي واجعني!!بلا سوم من يشري نويت أنبيعه؟
بلا رادتك ياعين ترجي فيهم اللي باعدو من قبل ومنسيتيهم وش فكرهم زعم رايفو والا الملام جبرهم بلا مواخذة ياعين وش خطرهم اتنوظي عقاب اليل تحكي بيهم
بلا رادتي بنقول مشتاقلكم..بلا مواخده فالرمش نا شايلكم..أنتم أكبار ألصوب..أنتم أقدار ألقدر والمكتوب..أنتم مناهل حب للمحبوب..ومازال قلبي يرف محتاجلكم..وياصاحبي رانك أتشيل أذنوب..بجفوتك وأحترت كانوصلكم
بلا موجعه ماخيرفي قدر ايجي بالدرقة ولاخير في طير أيفارق فرقه ماخيرفي اللي قاسي.ولاخيرفي اللي للمواجع ناسي وايش قيمة الصاحب اللي مايواسي وقت العيون تذوق طعم الحرقه
امرايف عليك اليوم وامس وبكره!ارياف طير له مده امسيب وكره!!!! أمرايف ديمه نين الرياف عليك فات القيمه الخاطر ايريدك ياعيون الريمه.
انتا عندي في الدنيا بس انتا مايغلي شي عليك ومانحتاج معاك ونس شهاده اني متونس بيك علي شانك نسهر ونعس عزيز وموش خساره فيك علي الجمر الوالع نعفس بعمري والدنيا نشريه
انتم سند للظهر مش ناسيكم...اوحق من خلق الكون عزي بيكم..!كيف ننساكم. والعين مارامت النوم بلاكم.. وعندي نهار العيد يوم لقاكم كيف القمر والشمس ننظر فيكم ماهناك فيه الكون من يسواكم..عز الرفق مشروح عقلي ليكم
انسل سل&حتي وأنت كي دمي عروقي اتبل&اليوم ياغلا نقدر&نسل عروقي وقولو رحيم انكان مت بشوقي&ونترك ديارك..دار لي صندوقي&صبري معاكم لاربط لاحل&مشتاق شوق الشوق شووق شوقي&أقرب هان...كي هانك بلاك أوحل&وطيت..عليت..الجديد في سوقي&اليوم ريت هالخاطر بلاك أحمل&
انتا عندي في الدنيا بس انتا مايغلي شي عليك ومانحتاج معاك ونس شهاده اني متونس بيك علي شانك نسهر ونعس عزيز وموش خساره فيك علي الجمر الوالع نعفس بعمري والدنيا نشريه
رني كنهو حديد ايصدي وكنهي سحابة صيف اتعدي وكنك عالوفاء متربي في القلب يسكن حبي تمشي بسلامة ربي غير قول اللي في القلب متخبي كني غلطان نطلب سماحك كنك مجروح نداوي جراحك ياحبيب الروح وياورد فيه العطر يفوح
يحوس ابروحه..ياخد نهار طويل هو واجروحه...عقلي اتجيه اوقات..!ايحوس ايودر..ويرقا وينزل في الوطا وايحدر..إيخطر اماجع في الصميم اتكدر..ويجبد فماضي ضايعات افروحه..اوياخد نهار وليل هم ايصدر..وعاالنار بكري كبدته مطروحه..!
لايم وأصحابي خلوني/ ليش نسوني /مشتاقات ألهم عيوني/ليش أنسيت /ماضي فيه معاي زهيت/ خساره عهدك ماوفيت/ولاتلفوني/ جاب أخبارك يامجنوني_
لايم وشايل ملام عليك/ أناخاطري ولهان هايم بيك/ أنعاتبك ياغالي/ وماليش غيرك ياربيع أمالي/ ومازال دمع ألعين ذابل حالي/ رايف كنين ألقلب يبي يجيك/ أقبل عتابي وأحفضا مرسالي/ وربي أنشالله عالجفا يجازيك/
بالك تريدى غالى ¤ يأم العيون إسماح ياطوالي . نريد ننشدك: بالك تريدي غيه¤ وعندك غرض مزبوط فى الحنيه نا حنون وكويس وعندى نيه ¤ طيب ومانزعل وواسع بالى ¤ إمغير جامليني وادرسي القضيه¤وين تندري بالك أشفك حالي@كأني عجبتك وأقتنعتي بيا¤حتي بعد عامين لي تعالي
بالله ياضي ألقمر تحكيله.. قديش في سباه ساهر ليله.. أحكن يانجوم.. وقولن ليه ماينفع أللوم..سقاني ألمر من كأس ألسموم.. وضقت عذاب مانقدر نشيله..أيتم ألليل مانخمد لنوم.. هواتا ألكبد ماتعشق مثيله.
احتاجك معي في سويعات الصمت احتاجك معي وبقربي تعشق الامل والسعادة ولنقطع الاساءة والحزن ولنزرع حبيبات الفرح ولنجدد العهد ان لانفترق
حيانا يسرقنا الوقت من اناس يحتلون مساحات عظيمه من النقاء والود في قلوبنا لكن هذا لا يعني انهم اصبحو خارج نطاق احساسنا .
العين ياما داحت وياما معارك في الغرام اجتاحت#وياما ماطاري لها مابادت وياما قصور في غلاكم شادت#
الله لايحرمني منك لايحرمني من قلبك أبي أنام في حضنك نص الليل أصحيك وأقول ماكفاني حضنك وأقول ضمني لصدرك وأقول أحتاجلك أنا
اللي بدلك ماعاد تنشد عنا...فيه رب ياخذلك احقوقك منا...ماعاد تمشي شوره .. لاتخش شطه ولااتعوم ابحوره .. خليه كيف الحوت ياخد دوره الموج والصياد مايهننه..!
اللي يوجعك جـرح الحبيـب ... وقـسـوة مـلامـه وصـــده والدنـيـا ايقـولـوا مكاتـيـب ... مـرات يسـر مــرات شــده وماعـيـب خـاطـي العـيـب ... وخونـت اصـحـاب الموده
حكاية غدرحكاية الطير إللي أمفارق سربه حكاية إللي تايه أمودر دربه حكاية تكدر ماريت فيها طربه حكاية ومكتوبة براس الحربه حكاية جرت في الدم عايش فيها فالقاع يابحر لومي عليك اخفيها
اللي يوجعك جـرح الحبيـب ... وقـسـوة مـلامـه وصـــده والدنـيـا ايقـولـوا مكاتـيـب ... مـرات يسـر مــرات شــده وماعـيـب خـاطـي العـيـب ... وخونـت اصـحـاب الموده باعك ماجا في طوعك..زاهي بغيرك حايطين بيه عياله.!خودي الكلام وخففي من روعك..وانسي سريبه وطمسي مواله..
دونك ليا..!نبي رساله داميه وقويه..! أرجوك غيثني..؟
ذبانة مقعمزه هي وصاحبها بخوهم بالفليت قالتله:_خلاص أنساني يالحبيب بعد بخوني بالمبيد قاللها:_ كيف ننساك وكيف تهوني يلي علي شانك بخوني.
راعي غنم يطيب في الشاهي خطرو عليه الغوالي قال لبراد الشاهي:<<ضرك لهيب النار يابرادي..ونا ضرني مولي العيون عوادي ضرك لهيب الجمر ونا ذبت من مولي الخدود الحمر وصهد كبدتي فايت صهودك غادي>>
رد السلام علينا"اخطينا صحيح امعاك ياغالينا"حتي مجامله رد السلام علينا"رد السلام او سلم"او حتي انكان تقدر عالكلام تكلم"ينزح المالح والبقر يجلم او تمطر ابحيط او لاغلاك انسينا
ردو عليا يا أبعاد ألجوبا@ معاي ناركم مطالقه لهلوبا@ نار قويه/طلقت لهيب ألجمر في جوجيا/ كنتو أعزاز وغاليين عليا/وكانت وراكم شيرتي مذهوبه@ سلمتلك بأخرجواب وصيه/ قصة غلانا فالقلب مكتوبه@ (ياعزاز ردوبالكم)
رفيقي مصوقر ماهناك مثيلة.يصون الرفق من قبل ما نشكيلة...رفيقي ذراعي..وقت الفزع حاضر يجي مداعي.نرقد ويبقي في سريرة واعي.يحسب احساب الدهر في تبديلة.ونلقاة ديما من بعيد يراعي.عينة علي خية بكل وسيلة
رمة رمة"نين عالوطا مطروح بيتي تما"عزيز فكهن لرمام...رمة رمة"فك ارمامة سواه بيتي عالوطا قدامة بكاني عليه بكية عويل ايتامة اوجاتة الريح اوما اقدرت انلما@
رني عليا ديما£وزيدي شقا للقلب ومواهيما£ياغاليه..ديما رني..وعزمي رقيق ماتخافي مني.وأرجوك لاتغيبي برنينك عني.ياللي ملكتي ألعقل في تخميما.وأيام ياريدي عليك رمني.وتسكيرة ألهاتف شي ماله قيمه.صغيره ولكن فيك خايب ضني.ويمسي عليك ألقلب في تسليما.ورني عليا ديما..
ارى اثارهم فأموت شوقا واسكب في مواطنهم دموعي. واسأل من قضى بالبعد عنهم يمن على يوما بالرجوع . مش ساد جفا ياجافي.
ريت صاحبي عدا لمن خلاني/الناس اتكلم والكلام معاني/ريت صاحبي عدا/تباعد عني دارالخطا والعيب ماهو مني مادرت في حسابي يخيب ظني علي كل شي يخطر اللايجفاني لمن خلاني/عكرجوي شمت الصاحب في قبل عدوي اللي قبل ضيه من بعيديضوي يوم مشيته ظلم جميع أركاني لمن خلاني/نا سامحته وحق من خلق الحق ماوجعته ناغلطتي ع البعد ماطاوعته يجيني بعد مده يقول أنساني
زعلان منك خاطري يتألم ٠تخطم علي رقمي وماتتكلم !قلبي وعيني !. غيابك عليهن دوم مايرضيني؟لامسج لارنة تزهي عيني٠صابرعلي جرح الغلا ومسلم
ريدي خطم واطا عليا عيونه بعد الغلا يحسابني من هونه وطا النظر ونساني وتخطيمتا زادت اليوم احزاني!حير دليلي وخاطري شقاني ومازلت مانرضى حبيب دون
زعم حاسين أرياف كيف أريافي.ولاأريافكم بارد لهيبه طافي.ياغالين علينا حال غايتي ودي أنجيكم جي.أنسلم بقلبي قبل يوصلن يدي سلام المحبه م الخديعه صافي.
زيد يازمان أقهرني وسع أجروحي زين ماتعبرني وخوذ غايتك زيد أوجاعي قول يزها عدي ومالك داعي..اضغط علي قلبي اللي مداعي علي حب راح في الكنين سحرني زيد حنيني علي زول خايل كان مالي عيني..وتوا هجر ماعاد شي يبيني تمنيب ربي فالوطا يطمرني.
سألني بعضهم إلي أي مدي تحب صديقك؟فأجبت إلي المدي الذي يجعلني اهديه احدي عيني معتذرا عن الأخري حتي أراه بها
سر ياقلم واكتب من المدح ماطاب في اللي جزيل المدح يستاهلونه ناس مزايين والرجا فيهم ماخاب الروح والقلب فدي لهم لو يطلبونه اكتب لهم شيك المحبه مفتوح الحساب يسحبون من رصيد الغلا وأبدا ماينقصونه
تكبرت ياغالي علينا ليش ؟وطبعك غرور وزولنا ماتبيش@ طبعك عليا قاسي/ وطبعك أكرهت غلاي وألا ناسي/تنازلت عن عطفي وكل أحساسي/وعاهدت نفسي ليك مانوليش @ياماسقيتك من حناني وكاسي/ وأليوم بعتني بيعه بسوم ألريش@
جاب أولافي..اللي خاطري خلوه ضيه طافي..ألبارح منام العين ...؟يجيب سريبه..ديما علي غفلة النوم يجيبه..! الخاطرتمنا وين شاف حبيبه يدوم المنام سنين وانا غافي..$
جالت عيني منيالاك!أتريد غلاك!ألله عالم كم حبيناك! وجالت عيني..جالت عيني يالحبيب. أمغير نصيب.أللي خلاك عليا أتغيب.أليوم هذبي زاهي بالشيب.أتريد أتراك..ألعين محيرها مدعاك..وجالت عيني..
جربت كي نبعد انقول انهونك..القيت الحياه ماهي حياه من دونك.. قلت انباعد.!بالك علي هجرك الهجر ايساعد..نلقى طيفك في خيالي قاعد.. والعقل سارح في مسارب كونك.!
س/عزيز خيب ظنك صحيح اتهونه ولا اتدارى سيته وتصونه
ج/انصونه مره ونسامحه لو كان عاد الكره والثالثه انسامحه ولايوم انضره والرابعه لخاطر سواد عيونه
مهما عليا اتطاول وتمادا شره عنده مكانه فى خاطرى مصيونه
واحد حاضر عرس حبيبته قالوله شنو تشرب سعاده ولا فانتا قاللهم
ماعاد اهناك سعاده من يوم خذو ريدى كحيل اهماده صب فانتا
جرحا جار نضيف اخدوده كوي قلبي بناره الميقوده كوة قلبي بنار المتزين والكبده منه مصهوده ني عقلي منه في حاله وافكاري صوبه مشدوده ني ليه ابنشعر وانغني وخداني لرقيق عوده
جزء من النص مفقود والجزء الاخر غايب وجزء من الكبد مصهود والجزء الاخر ذايب مابين ناشد و منشود كلتني نار بلهايب من صاحب و صاحب ودود اليوم تما على العين غايب.
حاسب حساب موت حاسب حساب الخونة والرفق والخوت إلافراقك ياعزيز ماني حاسبه
حاير وناضن علي قفايف/يبكن عيوني عالغرام الزايف/حاير كنيني.أستاجعت نزلت دمعتي من عيني.مشتاق لايم زولها مخليني ومازلت من شبح ألغوالي خايف
حدود غايتي وين ماعليا أطلوا..أتشيلو ألعقل وبعدها أتغلو..أصدقوني ألنيه..كانكم أحبابي يأعزاز عليا..في كل يوم أنشوف منكم سيه..ونصبر وساكت أنقول تو أيولو..ليش ياحبيب ألقلب تجرح فيا وأتقرم وهما يضحكو ويسلو
كسرت الجره في جرتهم عات قديمين وسيرتهم
حتى كان تخلو عنا يكفي قولة كانوا لنا
بعد صوبك مانبي صوب انسكر نقالي وأنتوب
صادق ياغالي ياريته يوم خطاك نهار الميته
لو أنطول أولافي نعزم ابلير و بوش و قذافي ثلاثين يوم
أدعايا يا القديم عليك ايموت جنينك بين أيديك
ما ندلع غير عليهم في نص الليل انوعيهم
نبكي ع الدنيا ضرتني مكسورا الخاطر خلاتني
كان انسيت غلاكم يوم أجعني مانوعه مالنوم
عازيت روحي في عرب باعوني أعزاز كانوا ماليين عيوني
بكاني القديم بكيت ويجيه يوم يبكي بكيتي
أيام وأنت غالي غبت واليوم جيت والعين ناسيه
اتريد عذر تمشي بيه العين عالغوالي رايفت
يا عزيز أيش امعقبلي غير أوهام عجاج وقبلي
يا قلبي بيع اللي باعك ما اتوري للناس أوجاعك
ديما واجعني يا حالي ما عندي حظ مع والي
الدنيا و الصوب مكاتيب مكاوي مرسومه في الغيب
الخميس فبراير 16, 2012 1:38 pm من طرف رمضان بوراوي
اليومية
