.........[علم (2) ].........

..........[علم (2) ].........
71]اللي اتحيد عنها اتجيك تخالا بقايس وانشده
72] اخطيتك نصيب ايام والقيتك ضروري ياغلا
73]الفاضي كر نيران يحسابني الا فاضيلهن
74]اوصل عزيز لمواصيل عطيبة علي قول العرب
75]لوكان لاقيه هواي ترقد الليل عيني مابكت
76]هوايك رقد يالاك ابطل بطال ياعين سيبك 77]ماتقول عمر لوعة قاس هوايك رقد مادورك
78]اللي عاتقتني فيه هوايي جديدة لوعته
79]وعاها ابكا هواي انضر العين هي بيش خترفت
80]بلا عزيز ياهواي النوم لواتجازي مايجي
81]عليك دار كنتي دار وعليك دار يادار قاعدة
82]الدار قبل كانت بيك فكهارة تواريت ظلمت
83]ماجاهم الا عالجرح خطا عزيزواجدين مالعرب
84]انداقي علي مطراك ماريتي اشوي نين تسكتي
85]باهي اللي مازال يمشي العقل وايجي ماذهب
86]القيت ياعزيز عليك بكاية خذو فيك قرعتي
87]علي حالته انشدوه مالقي العقل ما يقول للعرب
88]عالخاطر ايام اسماح ياما اهلبن وايريد يهلبن
89]وراك ليل وين اتغدي يادايج امعا دوج العرب
90]اللي عطيتا ياقسم غليت عليك فيدي الحقتا
91]تقعد امطوحا ياياس واتغلا وين فيدي اتحقها
92]اغليت كي علي اغليت علي عربك ياصاحب الغلا
93]نلقانها رقادة ريح لاتقول ياغني لانقولك
94]خلاني عزيز بلاه مقباص نوم حوتة لاذبي
95]دوارت رحيل عزيز عالحول جو هتايا امطابة
96]لوكان يارحيل عزيز طقيت فيك راني رادك
97]الدار ياعزيز ابعدك نسمع امغير فلي انقولها
98]عازيت ماانريد العين عزيز ترتزي فيه وارتزت
99]نزل قديم فيهن دار وانزلن فيه دارين كيفا
100]حقالوتجيب عزيز نلقانك ملولي يارجا
101]لوكان ماخلقشي دمع علي عزيز راكي ايش دايرة
102]لوكان ماخلقشي دوج نرمو عليه رانا انسوتهو
103]امدوردين عالتقاز عرب اعزاز ماراهم الا
104]ان طال يكرهوك الناس خصص المال كي طولت المرض
105]نرضو الدوج وين انجوه نلقو اهموم ننسو اهمومنا
106]فالنار ماهفيت اوحدي كريتم اللي كابرينها
107]من قال في عيون عزيز ظلام يامظاليم تقعدن
108]من عمارنا ياعين راحن ايام ماعاد ينفدن
109]عدا العمر بين اوهام كلن اكبودنا وين نبرمو
110]ايجن اوقات طيب وطرح وايجن اوقات غاليهن عدو
111]ايامن وفيها بيش تبكي عليك مالاويتا
112]ليام بين لخ وخوه بالسودا ان عالن يقسمن
113]لنضار واخذات عليك خلك حنون يامجازيبهن
114]ياريت لمهات اعقرن ولاجيت لانا لاانتو
115]تسكيب مودوا مليوع اقطع ابكاك ياعين مو ابكا
116]الله الله لومو حلم مسمح قديم للعين جيتة
117]لوكان المنام ايسير احلمت بالغني جايني فضي
118]العب ابغايتك ياياس جبا العمر وايدي خالية
119]غلا قديم حيله نقص نظلم العين لوجازيتبه
120]مالعقل يااصحاب غلاي خذو نصيب خلولي اشوي
121]واخذ عزيز مني عقل واهلبه في امواهيم مريبة
122]من دونهم اعباد الله لقسام ليش فينا يظلمن
123] لوكان يقتلن لوهام انموت ناللي لايذاتبي
124]انموت لولي فالناس لوكان ياعلايل تقتلن
125]مسح الياس كبدة قبل واطلق العين في دين الخصص
126]جميع مايداوي الجرح داويتبه ومازال مابري
127]بلاعزيز موبريان الجرح لوانداويه باللذي
128]تبكي تسكتي ترجيه تشكي تجحدي ماوجايك
129]من يوم الخطا لليوم اوهوالعقل هاناك موهنا
130]حتى لوعزاز انكرو نحلف عليه عقلي عندهم
131] سلمت عالقديم منام اوعيت ليمنة في ليسرة
132] انريد من اعزاز اديون ضحكت خلاص ماجوني ابها
133] والباقي نكرنا فيه عطانا بعض نين نانسو
134] عليه ماتكاثر دين خلص عزيز لوكان بالشوي
135] حتحات دين قاصر فيه عديته زكاوات عالغني
136] عزيز واجعه لخلاف اوهواسببه وايلوم عالخب