اكبر موسوعة الغناوى العلم

[color:f714=olive]ستين الف جو للعقل *** عزوه ما عزا واحد قبل
إلقيها أمغير عجاج ***العقل وين جاء لديارهم
خلو العقل دوم يذوح*** سواح لا بروحه ولا بهم
خليت يا عزيز العقل*** دقداق ما جبيره تلايمه
العقل في صغا مسكين *** إذيبل حدا ناس راقده
نبت شيب رأس العقل ***اسبابه غرض عين جايلة
مليوع منه وهو دولاج*** مطري العقل موطاري لحد
العقل لو يطول عزيز*** يزهى بلا مال ساده
بطى العقل يرجى فيك*** تغيب ليش يا مولى الدواء
العقل وين قلنا تاب ***هفوا عليه لولاف انتكس
تماله القوت امرار*** العقل جاوره جار قطمره
حالف العقل يمين*** يواجب اللي جارحينه
الفكر فيه هاس العقل ***الرأس شاب والعين نعمت
مش خاطره ع العين*** صاحب عزيز يخونها
عزيز وينما نطرو***ه يسيلن رقيقات الغرض
بكيت والبكا ماجاب *** ننساهم الله غالب على
اليوم ناسيه لولاف ***فداك حبس ياعين وجــزاء
شاوي عليك الدمع*** وإلا عزيز ياعين ناسيه
سبحانه اللي لولاف*** احملوا بلاى ونا انسيتهم
امغير صيفوا خضراك *** انسيهم بلا طاري لهم
ازعما وينما ينساك *** العقل يا علم يألف لمن؟
عزيز وينما ننسوه *** قدامي تصاويره إيجن
مرهون يالعين أنسيه ***ديري عزاوين واصبري
يكساها ضباب تحوس العين وين لاوهامك تجى
خطورك على سهوات*** بكى العقل والعين ياعلم
ان جاهن العقل يحير*** اوهامك عزيزات ياعلم
مريض والكفن واساه*** طروا عزيز جابوه مابرى
وينما على خطروا*** النوم طار من عيني جلا
على نباك وين اطريت*** اجالن مراسيـــل العقل
العين هي عذاب العقل*** تمشي تجول وتجي تقوله
العقل هو عذاب العين ***جبد دفاتره وين ما غفت
ادوح بين موح وياس ***العين ذاهبة باب النجاة
العقل يابعاد الدار *** يمسى معاى ويبات عندكم
الغافل يقول مريض ***والعقل داه م اللي مجاروه
خليت ياعزيز العقل*** فتافت على نار هادية
بكت العين قال العقل *** نحنا قلال والي كلنا
العقل ذاح سبع أوطانÿÿ مردوع مالقى كيفك علم
حجر دواه ينظر فيه ÿÿ العقــل صاف يا لايمينه
العقل مو ربيع يصيف*** إن غابوا يلاقي غيرهم
فواهق عزيز كبار ***العقل ياعلم شال كيدهن
اعزاز خلفوا في العقل *** جثامة تالى ليل ترقعه
فواهق عزيز كبار ***العقل ياعلم حار بينهن
وقفنا دقيقة يوم*** مع عزيز داروها خطا
الناس كثرو الأقوال*** ونا غلاك مو هاين على
الخاطر إن غبت معاك*** لا صبر لا نوم جايـة
الله كريم جاب عزيز ***بعد الموح واياس خاطـرى
نطلب رجاك يامولاى*** يقسم عزيز ويروق حالنـا
حتى ونا في فراش الموت*** غلاك ياعزيز هو شهاتي
حلمت يا عزيز منام*** تمنيته الليل ماكمل
لوكان يا منام الليل*** تبقى رسيل بيني وبينهم
خذى الليل بالساعات*** سمور لين نمشى شورهم
غلاك لا تخاف عليه *** مصيون بين عيني وهذبها
خليك في رجا مولاك ***عليك لين يا عين تنفرج
شجرة خاطري م الياس*** لها زمان ماتن عروقها
فزعك يالعين قليل*** امغير دمع مافيك فايده
بكينا وماحد سال *** الدمع يامضانينى كمل
اللي دللوك ايام*** عليهم ابكى لين تنعمى
جبد سريب مانك فيه*** بكى العقل ماحوته سكت
يشكى بهم حذا والديه*** العقل وين هفوه القدم
وحلت في ظلال العين *** كبرت نار ع النار لوله
الناس نايمة ورقود*** ونا وحدي في نار الغلا
العقل فيه شاطت نار*** قدامك وما بيت تنهضه
العقل نين راح حريق ***عليه نار لولاف دوردت
دورى على لجناب *** الوسط فار يانار الغلا
نار يا عزيز غلاك ***رقد غفيرها جارت على
جضيضه مع النيران ***سمر عوينتى وينما غفت
جروح قبل بريانات*** خطمت يادعى حاييتهن
ياريت يوم اخطاه ***عزيز مات وانا نواسده
غلا عزيز داير فيك ***شلودى قوى غير تجحدى
أن درت صوب لك صوبين *** وان خنت يا عزيز نا نتركك
انتى الضالة يا عين *** بعد ثمان ياسات طامعة
يناوض عليك الجرح *** وتقول ياغنى ياريتنى
مشى العقل تاجر صوب *** مليون ياس جا رأس مكسبه
انعانوه كيف الوقت ***غلا عزيز مع طول ياسهم
الياس بين ظهر وعصر *** مشوار في غلانا قابلة
مستوحيات ياس طويل *** لنظار في عزيز يوادعن
اللي موغنى بالمال *** ينسوه هله يا بال العرب
غلاك ماتخاف عليه *** مصيون بين عيني وهذبها
سفيتى قناع الياس *** تقول عمر ماريتى زها
كوانى عزيز بنار *** واخرى بعده جا ياس لاعنى
ديما الياس يسير *** واخرى بعده لولاف يقسموا
الياس والشماته فيه*** واخرى غلاه مابيت نتركه
يريده يخص يزيد ***الياس في غلانا مزارعه
اينوس خاطري امهيوس ***من ياس ناس كانو له ونس
إن جوه في المنام يروق ***وان ناخى قابله طول ياسهم
مايريد غير عزيز*** عندى عقل مو فاضى لحد
غلاهم نزل بقدار*** لا رسيل ولا جارة جرت
معاهم ايصول ايجول*** العقل لين غيابه ايجو
عليه ماتشاور ناس *** ربيع كان وتاك أنـــزله
ربيع والربيع لنا *** غلا عزيز مالى خاطري
بالك ايجو في الليل*** بلا نوم ياعين اصبـرى
الصبر ماعلينا فيه*** لوكان ياغوالى تقسموا
خطر عزيز في غفلات *** سهيت لين ما فيدى وقع
نار يا عزيز غلاك ***كلت الحوت في وسط البحر
عزيز هو رفيق العمر ***حبيب عمر موحـال ينتسه
الانظار يا عزيز احلفن*** بعد غلاك مايريدن غلا
علي ما شرب ماراق *** عطشان صوب مازال خاطري
بعد لوعتي بغلاك ***الله والنبي لا تخوني
مسافرمعاك العقل*** امغير خوذ بالك ياعلم
كيف امس كيف اليوم ***عليك ماتبدل خاطري
تريدك العين ربيع ***تزها بيه طول عمرها
لو تغيب طول العمر *** تلقا زايد ما نقص
سلامي علي لولاف ***نبت ربيع فيدى ليمنه
يحيا بعد ما مات*** طويل عمر تاريه خاطري
وحدي ما معاى شريك*** شربت نار لولاف كلها
عيونك ألهن نظرات*** الخاطر عرف معناهن ذبل
لا غفل ولا نساه العقل*** يا علم دوم ذاكرك
لنظار ما عليهم لوم ***رقاق عزم يا بال رايفن
بلا عزيز كيف بلاش *** حتى وهن ملايا بالعرب
شدي عزايمك يالعين*** يفنى العمر يا بال الغلا
اعزاز مالكين العقل*** ننساهم منامي إيجيبهم
عليه ما نلوم رسيل *** عزيز كان ما جابه الله
لها عزيز بعيد تطريه ***وين ما ضاق علمها
ليام كل يوم بحال *** ان مالت علينا نحملو
ياعزيز في سباك*** حتى قرايبي عاديتهم
البخت هو اللي بلهون *** لو كان فيهم سعد ما فارقو
اللي ميعدو بغلاك*** حسادك ونا كارهيني
ستين راى وارى ***العقل سريب غير لولاف ماجبد
ايريدهم ايرايفو بيه*** الخاطر لي نوعه نصب
تلاقيت نا والياس ***ضحك وقال نا وين شايفك
اندودش ولد ولدى*** ولا غلاك جي دونه غلا
الياس مالقى مايدير *** ياعلم دوم ذاكرك
غالي على لنظار*** حتى وهو مرهون ياعلم
ضليل رايها مازال*** وراء ناس عالي شانهم
لا تعاندي مولاك *** على خطاه يا عين اصبرى
لو كان يقسمو لولاف*** نرجوهم ما علينا في البطا
العقل ذاح سبع اوطان ***حرام كيف زولك ما لقا
الناس يحسابوك ربيع*** ونت عذاب يانار الغلا
خذوك ناس ما يسووك *** نبكى عليك لا يوم الاخره
صحيح ما عليه اغـلاط *** غلاكم هو لي هاس خاطري
امرايف وهم جيران*** العقـل ماخذا يوم غايته
امراض هايسات العقل*** ونت ياعلم منهن سبب
تعال يا طبيب وشوف *** لهيب نار لولاف في الجسد
الصبر هو شقيق الياس*** ان ما عماك يا عين ياخذك
فاقد اعزاز عليه ***عندى العقل مو فاضى لحد
ان غبت يا عزيز اتحوس*** العين ووقت توقاتك لها
بعد دلال في غيات ***لنظار ياعلم عاشن غرب
غلا عزيز كيف الغيم ***على ايده لوطان يرجعن
ايريد ناس كانو صوب *** امبارح منامى جابهم
قدام العرب ننساه*** ونا وحدي يا نارى على
علينا تغيب الشمس *** ان جا نباك شاقي بغيرنا
الخاطر مفيت معاك ***لا صبر لا نوم جايا
ربيعك ان راضن فيه *** لنظار ياعلم مايزعلن
عزيز في المنام يجي*** وفي الارض جوبة ياعلم
يا عزيز صبارات لنظار*** غير جا كيد حملهن
عزيز كان فيه نصيب*** يجيبه رجا طول عمرنا
امدودن على مرساه *** العقل لين بابوره اغرق
خليت ياعزيز العقل *** قتيل قايلة سوقي رسم
العقل تاه راح ضليل *** صوابك ترادى له علـم
مايريد غير عزيز ***عندي العقل مابي لحد
الصبر حاجة الزينيين *** عليه كان ياعين تقدري
الناس شاكية من ياس*** وني معاي ياسين وأمهن
المرهون يالعين اسيه *** ديري عزاوين واصبري
يرجاني ونا نرجاه ***عزيز كان نيته صافية
نحايل على الانظار ***نقول يقسموا بيش يسكتن
لا بعدوه بعيب ***ولا عطوه لولاف واكده
ما زلت في طلب عزيز***بصوب يا علم لين ناجده
سيول بلا رعد لا برق*** سما العين شلال دايره
قايلة مع عقال ***العين حالفة ما تهونهم
خليك من كلام الناس ***مع عزيز يا عين والفي
صعيبه عليه العقل*** ينسى اعزاز باله عندهم
حملنا بلاه سنين*** نعدوا غلاه ما صار يا علم
حلمت يا عزيز منام*** تمنيت الليل ما كمل
السامع يقول آمين ***اجعن قسمنا فيهم قوي
عليك خاطري مليان*** نصيب غيض والباقي غلا
العقل قال لولا العين ***نبقى سليم خالي من المرض
انكان ما قسم يا عين *** عدي غلاه ما يوم صارلك
حزينة طربها غاب*** العين عالبكا ما تلومها
نسيونا بلا سيات*** اقلال خير لولاف القدم
على معرضوا عليه ***مدعى غلاك مابا يسيبه
نصبت في غلاك أعلام*** العين عاندوها عاندت
من يوم حكمتوا فيه*** العقل ما رضي ناس غيركم
العقل ما هو معاي*** معاك حتى لو مسافات بينا
العقل لو يطول عزيز ***ينسى هول واجد جرى
العقل والدليل معاك*** ويش خليت معاي ياعلم

لوكانك من جيلي*نصبي على بابك بطولة ليلي*شحات للغلا لوكانك من مدي*ولوكان الحكايه بغايتي وبودي لاتقدري بسماحتك تحدي*ولانانهونك غير متهايي لي لكن اللي دونك معارض ضدي*واللي اليوم بالمرصاد متوتي لي زمان انتهى فارض علي نعدي*من قبل نشقابك وتنتبهي لي انت في حالك*تغالي تصدي كيف مايحلالك ونامدهبي في الصوب موش مجالك*لايصح موديلك علي موديلي مغيرمن اعجابي كي نشوف جمالك*نحس بسعادة وين تلتفتي لي لوكانك من ندي*مانردمن ردة الباب نعدي نخبط برجلي وين تبطل يدي*نين يشغلك مطراي وتحلى لي وكيف تفتحي عندي اسلوب تجدي*ضروري ان كنك مسلمه ترثي لي ونسيل ان سألتيني وفيه نبدي*سريب سرد سهرايه سبب تسويلي نين للغلاليد الايمين تمدي*وبها تعزقي حسنات في منديلي*

» موسوعة لغناوى العلم
» موسوعة هل تعلم - أول من صنع ..
» موسوعة هل تعلم – تاريخ